തിരുവനന്തപുരം: കണ്ണൂര്‍ വി.സിയുടെ ശുപാര്‍ശ തിരിച്ചയച്ച് ഗവര്‍ണര്‍ ആരിഫ് മുഹമ്മദ് ഖാന്‍. ബോര്‍ഡ് ഓഫ് സ്റ്റഡീസ് അംഗങ്ങളുടെ പട്ടികയാണ് മടക്കിയത്. 72 പഠന ബോര്‍ഡുകളാണ് കണ്ണൂര്‍ സര്‍വകലാശാല രൂപീകരിച്ചത്.
ഈ ബോര്‍ഡ് ഓഫ് സ്റ്റഡീസിലേക്കുള്ള പട്ടികയാണ് കണ്ണൂര്‍ സര്‍വകലാശാല വൈസ് ചാന്‍സലര്‍ ഗവര്‍ണര്‍ക്ക് അംഗീകാരത്തിനായി അയച്ചത്. ഗവര്‍ണര്‍ക്ക് അപേക്ഷ നല്‍കി നോമിനേഷന്‍ നടത്തിയ ശേഷം സര്‍വകലാശാല ബോര്‍ഡ് ഓഫ് സ്റ്റഡീസ് അംഗങ്ങളുടെ പട്ടികയ്‌ക്ക്‌ അംഗീകാരം നല്‍കുന്നതാണ് രീതി.