തിരുവനന്തപുരം : സർവകലാശാലയുടെ ചാൻസലർ എന്ന നിലയിൽ ലജ്ജിക്കുന്നുവെന്ന് ഗവർണർ ആരിഫ് മുഹമ്മദ് ഖാൻ. സർവകലാശാലാ നിയമഭേദഗതിയുമായി ബന്ധപ്പെട്ട് നിയമസഭ സബ്‌ജക്‌ട് കമ്മിറ്റിക്ക് വിട്ട ബില്ല് തന്‍റെ മുന്നിലെത്തുമ്പോൾ ഭരണഘടനാപരമാണോ എന്ന് പരിശോധിക്കുമെന്ന് അദ്ദേഹം പറഞ്ഞു. ഭരണഘടനാപരമല്ലാത്ത ഒരു ബില്ലും അംഗീകരിക്കില്ല.
സർവകലാശാലയുടെ സ്വയം ഭരണാവകാശം തകർത്ത് ബന്ധു നിയമനത്തിന് വൈസ് ചാൻസലറെ ഉപയോഗിക്കുന്നത് അംഗീകരിക്കില്ലെന്നും ഗവര്‍ണര്‍ പറഞ്ഞു. സർവകലാശാലകൾ യുജിസി നിർദ്ദേശങ്ങൾ പാലിക്കണമെന്ന് സുപ്രീം കോടതി ഉത്തരവുണ്ട്. നിയമനിർമാണത്തിന് നിയമസഭയ്ക്ക് പൂർണ അധികാരമുണ്ട്.
സർവകലാശാലയുടെ ചാൻസലർ എന്നതില്‍ ലജ്ജിക്കുന്നു