തിരുവനന്തപുരം:മലയാളികള്‍ക്ക് ഓണാശംസകള്‍ നേര്‍ന്ന് സംസ്ഥാന ഗവര്‍ണര്‍ ആരിഫ് മുഹമ്മദ് ഖാനും മുഖ്യമന്ത്രി പിണറായി വിജയനും. സമത്വവും ഒരുമയും ഐശ്വര്യവും നിറഞ്ഞ ഒരു നല്ലകാലത്തിന്‍റെ ഓര്‍മ പുതുക്കുന്ന ഓണം ഓരോ മനസിലും ഭവനത്തിലും ഉത്സവത്തിന്‍റെ സ്വര്‍ഗീയാനന്ദം പകരട്ടെയെന്ന് ഗവര്‍ണര്‍ ആശംസിച്ചു.
ഓണത്തിന്‍റെ ഈണവും സമ്പല്‍സമൃദ്ധിയുടെ തിളക്കവും കേരളം നല്‍കുന്ന ഒരുമയുടെയും സമത്വത്തിന്‍റെയും സ്‌നേഹസന്ദേശമായി ലോകമെങ്ങും പരക്കട്ടെ എന്നും ഗവര്‍ണര്‍ മലയാളികളോടായി പറഞ്ഞു. ഈ ഓണക്കാലവും പുതിയ പ്രതീക്ഷകള്‍ നമ്മളില്‍ നിറയ്ക്കട്ടെയെന്നും ഐക്യത്തോടെ നമ്മെ ചേര്‍ത്തു നിര്‍ത്തട്ടെയെന്നും മുഖ്യമന്ത്രി ആശംസിച്ചു.