തിരുവനന്തപുരം: സ്വര്ണക്കടത്ത് കേസില്‍ എന്‍ഐഎ അന്വേഷണത്തിന് പുറമേ സിബിഐയും റോയും കേസില്‍ അന്വേഷണം നടത്തണമെന്ന് ആവശ്യപ്പെട്ട് കോണ്‍ഗ്രസ്. കേസിന്‍റെ രാജ്യാന്തര ബന്ധവും അഴിമതിയും അന്വേഷിക്കാന്‍ എന്‍ഐഎ മാത്രം പോരെന്നും മൂന്ന് കേന്ദ്ര ഏജന്‍സികളും സംയുക്തമായി അന്വേഷണം നടത്തണമെന്നും വെള്ളിയാഴ്‌ച ചേര്‍ന്ന കോണ്‍ഗ്രസ് രാഷ്ട്രീയകാര്യ സമിതി യോഗം ആവശ്യപ്പെട്ടു. അന്വേഷണം ആവശ്യപ്പെട്ട് കത്തെഴുതുന്നതിന്‌ പകരം ഇന്നു തന്നെ മന്ത്രിസഭ കൂടി സിബിഐ അന്വേഷണത്തിന് ശുപാര്‍ശ ചെയ്യണമെന്നും കേസിന്‍റെ ശ്രദ്ധ തിരിക്കാന്‍ ബിജെപി ശ്രമിക്കുന്നതിന് തെളിവാണ് എഐസിസി ജനറല്‍ സെക്രട്ടറി കെ.സി.വേണുഗോപാലിനെതിരായ ആരോപണമെന്നും യോഗം വിലയിരുത്തി. തെളിവുണ്ടെങ്കില്‍ ബിജെപി ഹാജരാക്കണമെന്നും കോൺഗ്രസ് ആവശ്യപ്പെട്ടു.
സ്വര്ണക്കടത്ത് കേസ്‌; മൂന്ന് കേന്ദ്ര ഏജന്‍സികളും സംയുക്തമായി അന്വേഷിക്കണമെന്ന് കോണ്‍ഗ്രസ്