തിരുവനന്തപുരം: ഇന്ധന വില വര്‍ധനവിനെതിരെ സിപിഎം പ്രഖ്യാപിച്ച പ്രതിഷേധ സമരം മാറ്റിവച്ചു. സംസ്ഥാനത്ത് ശക്തമായ മഴയും മഴക്കെടുതിയും തുടരുന്ന സാഹചര്യത്തിലാണ് പ്രതിഷേധ പരിപാടി മാറ്റി വച്ചത്.
നാളെ രാവിലെ 10 മുതല്‍ വൈകിട്ട് 6 മണി വരെ കേന്ദ്ര സര്‍ക്കാര്‍ സ്ഥാപനങ്ങള്‍ക്ക് മുന്നിലാണ് പ്രതിഷേധം സംഘടിപ്പിക്കാന്‍ തീരുമാനിച്ചിരുന്നത്. ഈ പ്രതിഷേധം നവംബര്‍ 23ലേക്കാണ് മാറ്റിയത്. പെട്രോള്‍ ഡീസല്‍ വിലയില്‍ സെസ് ഏര്‍പ്പെടുത്തി കേന്ദ്ര സര്‍ക്കാര്‍ ജനങ്ങളെ കൊള്ളയടിക്കുന്നുവെന്നാരോപിച്ചാണ് സമരത്തിന് ആഹ്വാനം ചെയ്തിരിക്കുന്നത്.