സംസ്ഥാനത്ത് പെട്രോൾ ഡീസൽ വിലയിൽ വർധനവ്

പെട്രോളിന് 19 പൈസയും ഡീസലിന് 31 പൈസയുമാണ് വർധിച്ചത്.

തിരുവനന്തപുരം: സംസ്ഥാനത്ത് ഇന്ധന വിലയിൽ ഇന്നും വർധനവ്. പെട്രോളിന് 19 പൈസയും ഡീസലിന് 31 പൈസയുമാണ് വർധിച്ചത്. ഇതോടെ തിരുവനന്തപുരത്ത് പെട്രോൾ വില 95 കടന്നു.ലിറ്ററിന് 95.02 രൂപയാണ് തിരുവനന്തപുരത്ത് പെട്രോൾ വില. ഡീസൽ 90.08 രൂപയായി ഉയർന്നു. സംസ്ഥാനത്ത് ആദ്യമായാണ് ഡീസൽ വില 90 ഉം പെട്രോൾ വില 95 ഉം കടക്കുന്നത്.കൊച്ചിയിൽ പെട്രോൾ ലിറ്ററിന് 93.14 രൂപയും ഡീസലിന് 88.32 രൂപയുമാണ്.