മദ്യപാനത്തിനിടെ കൊലപാതകം; മാറനല്ലൂരിൽ സുഹൃത്തുകൾ മരിച്ച നിലയിൽ

മാറനല്ലൂർ സ്വദേശികളായ സന്തോഷ്, സജീഷ് എന്നിവരാണ് കൊല്ലപ്പെട്ട നിലയിൽ കണ്ടെത്തിയത്. പംബ്ലിങ് തൊഴിലാളിയായ അരുൺ രാജ് പൊലീസിൽ കീഴടങ്ങി. മദ്യപാനത്തിനിടയിലെ തർക്കമാണ് കൊലപാതകത്തിന് കാരണമെന്ന് പ്രാഥമിക നിഗമനം.

തിരുവനന്തപുരം: കാട്ടാക്കട മാറനല്ലൂരിൽ സുഹൃത്തുകളെ തല്ലി കൊന്ന നിലയിൽ. യുവാവ് പൊലീസിൽ കീഴടങ്ങി. ചപ്പാത്തി സന്തോഷ് എന്ന് വിളിക്കുന്ന സന്തോഷ്, പക്രു എന്ന് വിളിക്കുന്ന സജീഷ് എന്നിവരെയാണ് മരിച്ച നിലയിൽ കണ്ടെത്തിയത്. ഇരുവരും മാറനല്ലൂർ സ്വദേശികളാണ്.

ഇവരുടെ സുഹൃത്തായ പ്രകാശ് എന്ന അരുൺരാജ് മാറനല്ലൂർ പൊലീസിൽ കീഴടങ്ങി .സന്തോഷിന്‍റെ വീടിന്‍റെ സമീപത്താണ് മൃതദേഹങ്ങൾ കണ്ടെത്തിയത്. മൂന്നുപേരും സുഹൃത്തുക്കളായിരുന്നു.

ശനിയാഴ്‌ച രാത്രി മദ്യപാനത്തിനിടയിൽ ഉണ്ടായ തർക്കം കൊലപാതകത്തിൽ കലാശിച്ചു എന്നാണ് പ്രാഥമിക നിഗമനം. അരുൺരാജ് പ്ലംബിങ് തൊഴിലാളിയും മറ്റു രണ്ടുപേരും ക്വാറി തൊഴിലാളികളുമാണ്. മാറനല്ലൂർ പൊലീസ് പോലീസ് സ്ഥലത്തെത്തി അന്വേഷണം ആരംഭിച്ചു.