തിരുവനന്തപുരം:കന്യാസ്‌ത്രീ മഠത്തിൽ അതിക്രമിച്ച് കയറി പ്രായപൂർത്തിയാകാത്ത നാല് പെൺകുട്ടികളെ പീഡിപ്പിച്ച നാല് യുവാക്കൾ അറസ്റ്റിൽ. കഴിഞ്ഞ ദിവസം തിരുവനന്തപുരത്ത് കന്യാസ്‌ത്രീ മഠത്തിന്‍റെ പരിസരത്ത് സംശയാസ്‌പദമായി സാഹചര്യത്തിൽ രണ്ട് യുവാക്കൾ പൊലീസിന്‍റെ ശ്രദ്ധയിൽ പെടുകയായിരുന്നു. തുടർന്ന് പൊലീസ് ഇവരെ പിടികൂടി ചോദ്യം ചെയ്‌തപ്പോഴാണ് മതസ്ഥാപനത്തിന്‍റെ കോമ്പൗണ്ടിൽ അതിക്രമിച്ച് കയറിയതും അതിനു പിന്നിലെ ലക്ഷ്യവും വെളിപ്പെട്ടത്.
പ്രതികൾ നൽകിയ വിവരങ്ങളുടെ അടിസ്ഥാനത്തിൽ വനിത പൊലീസ് സ്ഥാപനത്തിലെത്തുകയും പെൺകുട്ടികളുടെ മൊഴി രേഖപ്പെടുത്തുകയും ചെയ്‌തു. കുറച്ചുകാലമായി ലൈംഗികാതിക്രമത്തിന് വിധേയരായതായി പെൺകുട്ടികൾ വെളിപ്പെടുത്തി. ഇരകളുടെ മൊഴിയുടെ അടിസ്ഥാനത്തിൽ സംഭവത്തിൽ പങ്കുള്ള മറ്റ് രണ്ട് യുവാക്കളെ കൂടി അറസ്റ്റ് ചെയ്‌തു.