തിരുവനന്തപുരം:സംസ്ഥാന സർക്കാരിന്‍റെ ഓണം സൗജന്യ പല വ്യജ്ഞന കിറ്റിന്‍റെ വിതരണം ആരംഭിച്ചു. മുൻഗണന വിഭാഗത്തിനാണ് ഇന്ന് കിറ്റ് വിതരണം ചെയ്യുന്നത്. എഎവൈ, മുൻഗണന വിഭാഗങ്ങൾക്ക് ഞായറാഴ്ച വരെ കിറ്റ് വിതരണം ചെയ്യും. സൗജന്യ കിറ്റിന്‍റെ സംസ്ഥാന തല വിതരണ ഉദ്ഘാടനം മന്ത്രി കടകംപള്ളി സുരേന്ദ്രൻ തിരുവനന്തപുരത്ത് നിർവ്വഹിച്ചു. വട്ടിയൂർക്കാവ് കാഞ്ഞിരം പാറ പൊതുവിതരണ കേന്ദ്രത്തിലെ കാർഡ് ഉടമ കൃഷ്ണനാണ് ആദ്യ സൗജന്യ കിറ്റ് ഏറ്റുവാങ്ങിയത്. ഓണത്തോടനുബന്ധിച്ച് സിവിൽ സപ്ലൈസ് കോർപറേഷൻ ഭക്ഷ്യസാധനങ്ങൾ വിലക്കുറവിൽ ഓണച്ചന്തകൾ വഴി വിതരണം ചെയ്യുമെന്ന് മന്ത്രി കടകംപള്ളി സുരേന്ദ്രൻ പറഞ്ഞു. കൺസ്യൂമർ ഫെഡിന്‍റെ ഓണച്ചന്തകൾ വഴി 50% വിലക്കുറവിലും ഭക്ഷ്യസാധനങ്ങൾ നൽകും. ഈ മാസം 27 ന് മുമ്പ് സൗജന്യ കിറ്റുകളുടെ വിതരണം പൂർത്തിയാക്കുമെന്ന് മന്ത്രി പി. തിലോത്തമൻ വ്യക്തമാക്കി.
സൗജന്യ ഓണക്കിറ്റ് വിതരണം ആരംഭിച്ചു