തിരുവനന്തപുരം: ട്രാൻസ്ജെൻഡേഴ്സിന് പുതിയ സംഘടനയുമായി കെപിസിസി. ട്രാൻസ്ജെൻഡേഴ്‌സ് കോൺഗ്രസ് എന്ന് പേരിട്ടിരിക്കുന്ന സംഘടനയുടെ ഉദ്ഘാടനം കെപിസിസി പ്രസിഡന്‍റ് മുല്ലപ്പള്ളി രാമചന്ദ്രൻ നിർവഹിച്ചു. ട്രാൻസ്ജെൻഡേഴ്സിന് അംഗത്വം നൽകി കൊണ്ടാണ് ഉദ്ഘാടനം നിർവഹിച്ചത്. ആദ്യമായായാണ് ഒരു രാഷ്ട്രീയ പാർട്ടി ട്രാൻസ്ജെൻഡേഴ്‌സിനായി പ്രത്യേക സംഘടന രൂപികരിക്കുന്നത്. വോട്ട് ബാങ്ക് രാഷ്ട്രീയത്തിന്‍റെ അടിമ പണിക്കാരല്ല ട്രാൻസ്ജെൻഡേഴ്സെന്ന് മുല്ലപ്പള്ളി പറഞ്ഞു. സമൂഹത്തിന്‍റെ മുഖ്യധാരയിലേക്ക് അവരെ കൊണ്ടുവരാനാണ് കോൺഗ്രസിന്‍റെ ശ്രമമെന്നും അദ്ദേഹം കൂട്ടിച്ചേർത്തു.
ട്രാൻസ്ജെൻഡേഴ്സിന് പുതിയ സംഘടനയുമായി കോൺഗ്രസ്