തിരുവനന്തപുരം:സര്‍ക്കാര്‍ ജീവനക്കാരുടെ ആരോഗ്യ ഇൻഷുറൻസ് പദ്ധതിയായ മെഡിസെപ് പദ്ധതി മുന്നോട്ടു കൊണ്ടുപോകാന്‍ ആയില്ലെങ്കില്‍ റീ ഇമ്പേഴ്സ്മെന്‍റ് സംവിധാനം തുടര്‍ന്നേക്കാമെന്ന് ധനമന്ത്രി ഡോ. തോമസ് ഐസക്. റിലയൻസിനെ ഒഴിവാക്കിയതോടെ പദ്ധതി നടത്തിപ്പിന് പുതിയ കമ്പനിയെ തേടുന്നുണ്ട്. എന്നാൽ പുതിയ കമ്പനി പദ്ധതിയിൽ പങ്കാളിയാവുന്നതോടെ പ്രീമിയം തുക ഉയരും. അധിക പ്രീമിയം അടക്കാൻ സർക്കാർ തയ്യാറല്ലെന്ന് ധനമന്ത്രി വ്യക്തമാക്കി. അധിക പ്രീമിയം അടക്കാൻ ജീവനക്കാർ തയ്യാറായാൽ മാത്രമേ പദ്ധതി നടപ്പാക്കൂ. ഇല്ലെങ്കിൽ റീ ഇമ്പേഴ്സ്മെന്‍റ് സംവിധാനം തന്നെ തുടരുമെന്നായിരുന്നു വാര്‍ത്താസമ്മേളനത്തില്‍ ധനമന്ത്രിയുടെ പ്രതികരണം.
മെഡിസെപ് പദ്ധതിയില്‍ അധിക പ്രീമിയം അടക്കില്ലെന്ന് ധനമന്ത്രി ഡോ. തോമസ് ഐസക്