തിരുവനന്തപുരം:സിനിമ – സീരിയൽ നടി രഞ്ജുഷ മേനോനെ (35) മരിച്ച നിലയില്‍ കണ്ടെത്തി (Film-serial actress Renjusha Menon found dead). തിരുവനന്തപുരം ശ്രീകാര്യം കരിയത്തെ ഫ്ലാറ്റിലാണ് രഞ്ജുഷ മേനോനെ മരിച്ച നിലയില്‍ കണ്ടെത്തിയത്. മകളുടെ അമ്മ, സ്‌ത്രീ തുടങ്ങിയ പരമ്പരകളിലെ കഥാപാത്രങ്ങളിലൂടെ പ്രശസ്‌തയായ രഞ്ജുഷ നിരവധി സിനിമകളിലും വേഷമിട്ടിട്ടുണ്ട്.
മേരിക്കുണ്ടൊരു കുഞ്ഞാട്, സിറ്റി ഓഫ് ഗോഡ്, ലിസമ്മയുടെ വീട്, ബോംബെ മാര്‍ച്ച് 12, തലപ്പാവ്, വാധ്യാര്‍ തുടങ്ങിയവയാണ് രഞ്ജുഷ വേഷമിട്ട പ്രധാന സിനിമകൾ. ഇരുപതിലധികം സീരിയലുകളിലും വേഷമിട്ടിട്ടുണ്ട്. കൊച്ചി സ്വദേശിയായ രഞ്ജുഷ ഭര്‍ത്താവുമായി ഫ്ലാറ്റില്‍ വാടകയ്‌ക്ക് താമസിച്ചു വരികയായിരുന്നു.