തിരുവനന്തപുരം: ധനമന്ത്രി തോമസ് ഐസക്കിനെതിരായ അവകാശലംഘന പരാതി എത്തിക്‌സ് കമ്മിറ്റിക്ക് വിട്ടത് രണ്ടു വശങ്ങളും പരിശോധിച്ച് തീരുമാനം എടുക്കാൻ വേണ്ടിയാണെന്ന് സ്പീക്കർ ശ്രീരാമകൃഷ്ണൻ. മന്ത്രിക്കെതിരെ വീഡിയോ സന്ദേശം നൽകിയ പരാതിയിലും അതിൽ തോമസ് ഐസക് നൽകിയ വിശദീകരണത്തിലും കഴമ്പുണ്ട്. അതുകൊണ്ടുതന്നെ എല്ലാ വശവും പരിശോധിക്കപ്പെടണം.
എത്തിക്‌സ് കമ്മിറ്റിക്ക് വിട്ടത് ഇരുവശങ്ങളും പരിശോധിക്കാനെന്ന് സ്പീക്കർ
സിഎജി റിപ്പോർട്ടിൽ സംസ്ഥാന താൽപര്യത്തെ ഹനിക്കുന്ന അടിസ്ഥാനപരമായ ചില പ്രശ്‌നങ്ങളുണ്ടെന്ന് മന്ത്രി ഉന്നയിച്ചു. കേവലം അവകാശലംഘന പ്രശ്‌നമല്ലെന്ന് മന്ത്രി ഉന്നയിച്ച ഈ സാഹചര്യത്തിൽ സ്പീക്കർ സ്വന്തമായി തീരുമാനം എടുക്കേണ്ടതില്ല. എത്തിക്‌സ് കമ്മിറ്റി തീരുമാനം എടുക്കട്ടെ എന്ന നിലപാടാണ് തനിക്കുള്ളതെന്നും സ്പീക്കർ പറഞ്ഞു.