ശ്രീ ചിത്രയിൽ ജീവനക്കാരുടെ പ്രതിഷേധം

ശ്രീ ചിത്ര ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആന്‍റ് ടെക്നോളജി ഡയറക്ടർക്കെതിരെയാണ് പ്രതിഷേധം നടന്നത്.

തിരുവനന്തപുരം : ശ്രീ ചിത്ര ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസ് ആന്‍റ് ടെക്നോളജി ഡയറക്ടർക്കെതിരെ ജീവനക്കാരുടെ പ്രതിഷേധം. ഇൻസ്റ്റിറ്റ്യൂട്ടിലെ പ്രശ്നങ്ങൾ സംബന്ധിച്ച് ചർച്ചക്കെത്തിയപ്പോൾ അപമാനിക്കുന്ന നിലയിൽ പെരുമാറിയെന്നാരോപിച്ചാണ് സമരം. ഡയറക്ടർ ആശാ കിഷോറിനെതിരെയാണ് ഡോക്ടർമാർ ഉൾപ്പെടെയുള്ള ജീവനക്കാർ പ്രത്യക്ഷ സമരവുമായി രംഗത്തെത്തിയത്. ഡ്യൂട്ടി സമയത്ത് കറുത്ത ബാഡ്ജ് ധരിച്ചായിരുന്നു പ്രതിഷേധം. പ്രതിഷേധിക്കുന്നവർക്കെതിരെ വകുപ്പ് തല നടപടിയുണ്ടാകുമെന്ന് ഡയറക്ടർ സർക്കുലർ ഇറക്കിയതിനെ തുടർന്ന് ജീവനക്കാർ മാധ്യമങ്ങൾക്ക് മുന്നിലെത്തിയില്ല.