തിരുവനന്തപുരം :സര്‍ക്കാര്‍ സ്‌കൂളുകളിലെ ഭൗതിക സാഹചര്യങ്ങള്‍ മെച്ചപ്പെടുത്തി അക്കാദമിക നിലവാരം ഉയര്‍ത്തുമെന്ന് വിദ്യാഭ്യാസ മന്ത്രി വി ശിവൻകുട്ടി. ഗുണകരമായ വിദ്യാഭ്യാസമാണ് സര്‍ക്കാര്‍ ലക്ഷ്യമിടുന്നത്. വിദ്യാഭ്യാസ രംഗത്ത് വിപ്ലവകരമായ മാറ്റങ്ങളാണ് നടക്കുന്നതെന്നും മന്ത്രി പറഞ്ഞു.
സ്‌കൂളുകളുടെ ഭൗതിക സാഹചര്യങ്ങള്‍ മെച്ചപ്പെടുത്തും, അക്കാദമിക നിലവാരം ഉയര്‍ത്തും : വി ശിവന്‍കുട്ടി - വിദ്യാഭ്യാസ നയത്തെ പറ്റി വി ശിവന്‍ കുട്ടി
സംസ്ഥാന സര്‍ക്കാറിന്‍റെ വിദ്യാഭ്യാസ നയങ്ങള്‍ വിശദീകരിച്ച് മന്ത്രി
സംസ്ഥാനത്ത് വിദ്യാഭ്യാസ രംഗത്ത് നടക്കുന്നത് വിപ്ലവകരമായ മാറ്റങ്ങളെന്ന് വി ശിവന്‍കുട്ടി
ആനയറ വലിയ ഉദ്ദേശ്വരം എല്‍. പി സ്‌കൂളില്‍ രണ്ട് കോടി രൂപ ചെലവില്‍ ഒരുക്കുന്ന പുതിയ കെട്ടിടത്തിന്‍റെ നിര്‍മ്മാണോദ്ഘാടനം നിര്‍വഹിച്ച് സംസാരിക്കുകയായിരുന്നു മന്ത്രി. അക്കാദമിക മികവ് കൈവരിക്കാനായി അധ്യാപകര്‍ക്ക് റസിഡന്‍ഷ്യല്‍ ട്രെയിനിങ് ഉള്‍പ്പടെ നല്‍കും.
കഴക്കൂട്ടം മണ്ഡലത്തിലെ വിദ്യാഭ്യാസ മേഖലയ്ക്ക് മുന്തിയ പരിഗണനയാണ് നല്‍കുന്നത്. കുട്ടികളുടെ മൊബൈല്‍ ഫോണ്‍ ഉപയോഗം മാതാപിതാക്കള്‍ ശ്രദ്ധിക്കണമെന്നും മന്ത്രി ആവശ്യപ്പെട്ടു.