തിരുവനന്തപുരം: സംസ്ഥാനത്ത് പ്ലസ് വണ്‍ പ്രവേശനത്തിനുള്ള ട്രയല്‍ അലോട്ട്മെന്റ് പ്രസിദ്ധീകരിച്ചതിന് പിന്നാലെ വിദ്യാഭ്യാസ വകുപ്പിന്‍റെ ഔദ്യോഗിക വെബ്സൈറ്റ് പണിമുടക്കിയ സംഭവത്തിൽ പ്രതികരണവുമായി വിദ്യാഭ്യാസമന്ത്രി വി.ശിവൻകുട്ടി. വെബ്‌സൈറ്റിലെ തകരാർ എത്രയും വേഗം പരിഹരിക്കുമെന്ന് മന്ത്രി അറിയിച്ചു.
ട്രയല്‍ അലോട്ട്മെന്റ് : തിരുത്തൽ തീയതി നീട്ടില്ലെന്ന് വിദ്യാഭ്യാസ മന്ത്രി - ട്രയൽ അലോട്ട്മെന്റ് വെബ്സൈറ്റ് തകരാർ
ഒരുപാട് വിദ്യാർഥികൾ ഒരുമിച്ച് സൈറ്റിൽ കയറിയതാണ് വെബ്സൈറ്റ് തകരാറിലാകാൻ കാരണമെന്ന് വിദ്യാഭ്യാസ മന്ത്രി വി.ശിവൻകുട്ടി അറിയിച്ചു.
വെബ്സൈറ്റ് തകരാർ എത്രയും വേഗം പരിഹരിക്കും; തിരുത്തൽ തീയതി നീട്ടില്ലെന്ന് വിദ്യാഭ്യാസ മന്ത്രി
ധാരാളം വിദ്യാർഥികൾ ഒരുമിച്ച് സൈറ്റിൽ കയറിയതാണ് വെബ്സൈറ്റ് തകരാറിലാകാൻ കാരണം. 31ന് വൈകിട്ട് അഞ്ച് മണി വരെ അപേക്ഷകര്‍ക്ക് ട്രയല്‍ അലോട്ട്മെന്റ് ലിസ്റ്റ് പരിശോധിച്ച് തിരുത്തലുകള്‍ നടത്താമെന്നാണ് നേരത്തെ അറിയിച്ചിരുന്നത്. ഈ സമയം നീട്ടേണ്ടിവരില്ലെന്നും അതിനുള്ളിൽ പ്രശ്‌നപരിഹാരം ഉണ്ടാകുമെന്നും മന്ത്രി അറിയിച്ചു.
വിദ്യാഭ്യാസ വകുപ്പിന്‍റെ www.admission.dge.kerala.gov.in എന്ന ഔദ്യോഗിക വെബ്‌സൈറ്റിലാണ് ട്രയൽ അലോട്ട്മെന്റ് പട്ടിക പ്രസിദ്ധീകരിച്ചത്. വെബ്സൈറ്റ് തകരാർ മൂലം ഭൂരിഭാഗം വിദ്യാർഥികൾക്കും വിവരങ്ങൾ തേടാൻ കഴിഞ്ഞിരുന്നില്ല. ഇതിന് പിന്നാലെയാണ് മന്ത്രിയുടെ പ്രതികരണം.