തിരുവനന്തപുരം: കേന്ദ്ര സർക്കാർ പിന്തുടർന്ന് പോകുന്ന സ്വകാര്യവത്കരണ നയങ്ങൾ കേരളത്തെ അപകടകരമായ അവസ്ഥയിലെത്തിക്കുന്നുവെന്ന് ഡിവൈഎഫ്ഐ. ബിജെപിയുടെ പ്രഖ്യാപിത നയം നിരവധി പേർക്ക് ജോലി നൽകുമെന്നതായിരുന്നു. എന്നാൽ ഇതിന് വിപരീതമായിട്ടാണ് കാര്യങ്ങൾ പോകുന്നതെന്നും ഡിവൈഎഫ്ഐ സംസ്ഥാന സെക്രട്ടറി വി.കെ സനോജ് പറഞ്ഞു.
സ്വകാര്യവത്കരണത്തിനെതിരെ ഡിവൈഎഫ്ഐ
സ്വകാര്യവത്കരണത്തിലൂടെ രാജ്യത്തെ വിൽക്കുകയാണ് ബിജെപി. ഇന്ത്യയിലെ തൊഴിലാളി വിഭാഗത്തെ കോർപ്പറേറ്റ് അടിമകളാക്കാനുള്ള നീക്കമാണ് നടക്കുന്നത്. തിരുവനന്തപുരം വിമാനത്താവളം അദാനി ഗ്രൂപ്പിന് നൽകിയതും ബിപിസിഎൽ കൊച്ചി, എൽഐസി പോലെ ലാഭകരമായ പൊതുമേഖല സ്ഥാപനങ്ങൾ വിൽക്കാനുള്ള നീക്കം കോർപ്പറേറ്റുകൾക്ക് വേണ്ടിയാണെന്നും സനോജ് പറഞ്ഞു.
എച്ച്.എൽ.എൽ വിൽക്കാനുള്ള നീക്കത്തിനെതിരെ പ്രതിഷേധ മാർച്ച്