ഫോട്ടോഗ്രാഫറും സംവിധായകനുമായ ശിവന്‍റെ സംസ്‌കാരം ഇന്ന്

പ്രസ് ക്ലബിലെ പൊതുദർശനത്തിന് ശേഷം ഔദ്യോഗിക ബഹുമതികളോടെ സംസ്‌കരിക്കും.

തിരുവനന്തപുരം: അന്തരിച്ച പ്രശസ്ത ഫോട്ടോഗ്രാഫറും ചലച്ചിത്ര സംവിധായകനുമായ ശിവൻ്റെ സംസ്കാരം ഇന്ന്(ജൂണ്‍ 25). ഭൗതികശരീരം ഉച്ചയ്ക്ക് 12.45 മുതൽ 2.30 വരെ പ്രസ് ക്ലബില്‍ പൊതുദർശനത്തിനു വയ്ക്കും. സർക്കാരിൻ്റെ ഔദ്യോഗിക ബഹുമതികളോടെ തൈക്കാട് ശാന്തികവാടത്തിൽ 3 മണിക്കാണ് സംസ്കാരം.

ഹൃദയാഘാതത്തെ തുടര്‍ന്ന് തിരുവനന്തപുരത്തെ വസതിയില്‍ വച്ചായിരുന്നു അന്ത്യം. 89 വയസായിരുന്നു. നിരവധി ദേശീയ അന്തര്‍ദേശീയ അംഗീകാരങ്ങള്‍ നേടിയിട്ടുണ്ട്.

ഫോട്ടോ ജേർണലിസം, സിനിമ, നാടകം, ഡോക്യൂമെന്‍ററി രംഗങ്ങളിൽ സജീവമായ വ്യക്തിത്വമായിരുന്നു. ​ആ​ദ്യ​ത്തെ​ ​കേ​ര​ള​ ​മ​ന്ത്രി​ ​സ​ഭ​യു​ടെ​ ​സ​ത്യ​പ്ര​തി​ജ്ഞ​യ​ട​ക്കമുള്ള ​നി​ര​വ​ധി​ ​അ​മൂ​ല്യ​ ​മു​ഹൂ​ർ​ത്ത​ങ്ങ​ൾ​ കാമറയിലാക്കിയ​ ​പ്ര​സ് ​ഫോ​ട്ടോ​ ​ഗ്രാ​ഫ​റുമാണ്.​ ​ചെ​മ്മീ​ന്‍റെ​ ​സ്റ്റി​ൽ​ ​ഫോ​ട്ടോ​ഗ്രാ​ഫ​റെ​ന്ന​ ​നി​ല​യി​ലാ​ണ് ​ച​ല​ച്ചി​ത്ര​ ​രം​ഗ​ത്ത് ​ശി​വ​ൻ​ ​ശ്ര​ദ്ധേ​യ​നാ​യ​ത്.​ ​

മലയാളത്തിലെ ആദ്യത്തെ കുട്ടികളുടെ ചലച്ചിത്രം അഭയം ഉൾപ്പെടെയുള്ള സിനിമകളും സംവിധാനം ചെയ്തു.