തിരുവനന്തപുരം: കൂടത്തായി കേസില്‍ അന്വേഷണ സംഘത്തെ വിപുലീകരിക്കാൻ തീരുമാനിച്ചെന്ന് ഡിജിപി ലോകനാഥ് ബെഹ്റ. കേസ് വെല്ലുവിളി നിറഞ്ഞതാണെന്നും അതിനാല്‍ നിയമോപദേശം തേടാന്‍ തീരുമാനിച്ചതായും ഡിജിപി പറഞ്ഞു. മുഖ്യപ്രതി ജോളിയെ കസ്റ്റഡിയിൽ വാങ്ങി വിശദമായി ചോദ്യം ചെയ്യേണ്ടതുണ്ട്. അതിനു ശേഷമേ നുണ പരിശോധന അടക്കം വേണമോ എന്ന കാര്യത്തില്‍ തീരുമാനം എടുക്കുകയുള്ളൂ. നിലവിലെ അന്വേഷണം ശരിയായ ദിശയിലാണ് നടക്കുന്നതെങ്കിലും സാഹചര്യത്തെളിവുകള്‍ കണ്ടെത്തുന്നതിന് പല തലങ്ങളിലുള്ള സഹായം വേണ്ടി വരുമെന്നതിനാലാണ് അന്വേഷണ സംഘം വിപുലീകരിക്കുന്നതെന്ന് ബെഹ്റ വ്യക്തമാക്കി.
കൂടത്തായി കേസ് വെല്ലുവിളിയെന്ന് ലോകനാഥ് ബെഹ്റ