പി.കെ രാജു തിരുവനന്തപുരം കോർപ്പറേഷൻ ഡെപ്യൂട്ടി മേയർ

ഇടതുമുന്നണിയിലെ സി.പി.ഐ പ്രതിനിധിയായ രാജുവിന് 55 അംഗങ്ങളുടെ പിന്തുണയാണ് ലഭിച്ചത്

തിരുവനന്തപുരം:പി.കെ രാജുവിനെ തിരുവനന്തപുരം കോർപ്പറേഷൻ ഡെപ്യൂട്ടി മേയറായി തെരഞ്ഞെടുത്തു. ഇടതുമുന്നണിയിലെ സി.പി.ഐ പ്രതിനിധിയായ രാജുവിന് 55 അംഗങ്ങളുടെ പിന്തുണയാണ് ലഭിച്ചത്.

എൻ.ഡി.എയുടെ ഡെപ്യൂട്ടി മേയർ സ്ഥാനാർഥിയായ ബി. അശോക് കുമാർ 34 വോട്ടുകൾ നേടി. എൻ.ഡി.എയുടെ ഒരു വോട്ട് കൃത്യമായി പേരും ഒപ്പും രേഖപ്പെടുത്താത്തതിനെ തുടർന്ന് അസാധുവായി. യു.ഡി.എഫ് സ്ഥാനാർഥിയായ സുരേഷ്‌ കുമാറിന് ഒൻപത് വോട്ടുകൾ ലഭിച്ചു. ജില്ലാ കലക്‌ടർ നവജ്യോത് ഖോസയുടെ നേതൃത്വത്തിലായിരുന്നു തെരഞ്ഞെടുപ്പ് നടന്നത്.