തിരുവനന്തപുരം :ഉമ്മന്‍ചാണ്ടി സമര്‍പ്പിച്ച അപകീര്‍ത്തി പരാമര്‍ശ കേസിലെ വിധി ചോദ്യം ചെയ്ത് വി.എസ് അച്യുതാനന്ദന്‍ സമര്‍പ്പിച്ച ഹര്‍ജിയില്‍ ജില്ല കോടതി നാളെ വാദം കേള്‍ക്കും. സബ് കോടതി ഉത്തരവ് സ്റ്റേ ചെയ്യണം എന്ന് ആവശ്യപ്പെട്ട് സമർപ്പിച്ച ഹർജിയിലാണ് കോടതി നടപടി.
സോളാർ അഴിമതി ആരോപണവുമായി ബന്ധപ്പെട്ട് ഉമ്മൻചാണ്ടിക്ക് വി.എസ് അച്യുതാനന്ദന്‍ പത്ത് ലക്ഷത്തി പതിനായിരം രൂപ നൽകണമെന്നായിരുന്നു സബ് കോടതി വിധി. കേസില്‍ ജനുവരി 22-നാണ് കോടതി വിധി പറഞ്ഞത്. സോളാർ വിവാദവുമായ ബന്ധപ്പെട്ട് ഉമ്മൻചാണ്ടിക്കെതിരെ വി.എസ്.അച്യുതാനന്ദൻ നടത്തിയ അപകീർത്തികരമായ പ്രസ്‌താവനയാണ് കേസിന് ആസ്പദമായ സംഭവം.