ആദിവാസി പെൺകുട്ടിയുടെ മരണം : യുവാവ് പോക്സോ കേസില്‍ അറസ്റ്റില്‍

അറസ്റ്റ്, പാലോട് ഇടിഞ്ഞാർ സ്വദേശിനിയായ 17 കാരിയെ നവംബർ 1 ന് വീട്ടിൽ തൂങ്ങി മരിച്ച നിലയിൽ കണ്ടെത്തിയതില്‍

തിരുവനന്തപുരം :ആദിവാസി പെൺകുട്ടിയുടെ മരണവുമായി ബന്ധപ്പെട്ട് യുവാവ് അറസ്റ്റിൽ. പാലോട് ഇടിഞ്ഞാർ സ്വദേശിനിയായ 17 കാരിയെ നവംബർ 1 ന് വീട്ടിൽ തൂങ്ങി മരിച്ച നിലയിൽ കണ്ടെത്തിയ സംഭവത്തിലാണ് അറസ്റ്റ്. ഇടിഞ്ഞാർ സ്വദേശിയായ അലൻ പീറ്റർ (25 ) ആണ് പിടിയിലായത്.

പെൺകുട്ടിയുടെ മരണത്തെ തുടർന്ന് പൊലീസ് നടത്തിയ അന്വേഷണത്തിൽ യുവാവുമായി പ്രണയത്തിലായിരുന്നുവെന്ന് തെളിഞ്ഞിരുന്നു.

പെൺകുട്ടി ശാരീരിക ചൂഷണത്തിന് ഇരയായതായി പോസ്റ്റുമോർട്ടത്തിൽ വ്യക്തമായി. തുടർന്ന് പോക്സോ നിയമപ്രകാരം കേസെടുത്ത് അന്വേഷണം നടത്തി അറസ്റ്റ് ചെയ്യുകയായിരുന്നുവെന്ന് പൊലീസ് അറിയിച്ചു.