തിരുവനന്തപുരം: കെപി അനില്‍കുമാര്‍ കോണ്‍ഗ്രസില്‍ നിന്നും രാജിവയ്ക്കുമെന്ന് സൂചന. ഇന്ന് 11 മണിക്ക് വാര്‍ത്താ സമ്മേളനം നടത്തി രാജി പ്രഖ്യാപിക്കാനാണ് അനില്‍കുമാറിന്‍റെ തീരുമാനം. ഡിസിസി പുനഃസംഘടനയുമായി ബന്ധപ്പെട്ട അഭിപ്രായ പ്രകടനത്തിന്‍റെ പേരില്‍ അനില്‍കുമാറിനെ കോണ്‍ഗ്രസ് സസ്‌പെന്‍ഡ് ചെയ്തിരുന്നു.
ഡിസിസി പ്രസിഡന്‍റുമാരുടെ പട്ടികയിലെ 14 പേരും ഗ്രൂപ്പുകാരാണ്. ഇത് പുനഃപരിശോധിച്ചില്ലെങ്കില്‍ കേരളത്തിലെ കോണ്‍ഗ്രസിന്‍റെ ഭാവി ഇല്ലാതാകുമെന്നുമായിരുന്നു അനില്‍കുമാര്‍ പ്രതികരിച്ചത്. ഇതിനു പിന്നാലെ തന്നെ സസ്‌പെന്‍ഷനും വന്നു. സസ്‌പെന്‍ഷനു ശേഷമാണ് അനില്‍കുമാറിന് കാരണം കാണിക്കല്‍ നോട്ടീസ് നല്‍കിയത്.