തിരുവനന്തപുരം: കൊവിഡ് കാലത്ത് മാറുന്ന രാഷ്‌ട്രീയ പ്രവർത്തനത്തിന് ഒരുങ്ങാൻ സിപിഎം സംസ്ഥാന സമിതി പ്രവർത്തകർക്ക് നിർദേശം നൽകി. തദേശ സ്വയംഭരണ തെരഞ്ഞെടുപ്പിന് പുതിയ പ്രചരണ പരിപാടികൾ ആസൂത്രണം ചെയ്യാനാണ് പാർട്ടി കീഴ്ഘടകങ്ങൾക്ക് സംസ്ഥാന സമിതി നൽകിയിരിക്കുന നിർദേശം. കൊവിഡ് തെരഞ്ഞെടുപ്പ് പ്രചരണത്തിൽ വലിയ മാറ്റം കൊണ്ടുവരും. വീടുകൾ കയറി ഉള്ള പ്രചരണം കൊവിഡ് കാലത്ത് അസാധ്യമായിരിക്കും. അതുകൊണ്ട് തന്നെ ഡിജിറ്റൽ പ്രചാരണത്തിന് മുൻതൂക്കം നൽകണമെന്ന വിലയിരുത്തലാണ് സംസ്ഥാന സമിതിയിൽ ഉണ്ടായത്. ഡിജിറ്റൽ പ്രചരണത്തിന് പ്രവർത്തകർക്ക് പരിശീലനം നൽകും. വോട്ടർ പട്ടികയിൽ പേര് ചേർക്കുന്നത് ഉൾപ്പെടെയുള്ള പ്രവർത്തനങ്ങൾ ഉടൻ ആരംഭിക്കണമെന്നും സംസ്ഥാന സമിതി തീരുമാനിച്ചു.
തദ്ദേശ തെരഞ്ഞെടുപ്പിൽ ഡിജിറ്റൽ പ്രചരണത്തിന് ഒരുങ്ങാൻ സി പി എം തീരുമാനം