തിരുവനന്തപുരം : തലസ്ഥാനത്ത് കൊവിഡ് വ്യാപനം രൂക്ഷമായതിനാല്‍ നിയന്ത്രണങ്ങള്‍ കടുപ്പിക്കുമെന്ന് മന്ത്രി ആന്റണി രാജു. തിരുവനന്തപുരത്തെ സാഹചര്യം കണക്കിലെടുത്ത് കലക്ടറുമായി ചേര്‍ന്ന പ്രത്യേക യോഗത്തിലാണ് തീരുമാനം. ഇത് സംബന്ധിച്ച് വിശദമായ നിര്‍ദേശങ്ങള്‍ ഉടന്‍ പുറത്തിറക്കുമെന്നും മന്ത്രി പറഞ്ഞു.
തിരുവനന്തപുരത്ത് കൊവിഡ് വ്യാപനം രൂക്ഷം; നിര്‍ദേശങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടിയെന്ന് മന്ത്രി
പരിശോധിക്കുന്ന രണ്ടില്‍ ഒരാള്‍ക്ക് കൊവിഡ് എന്ന സാഹചര്യമാണ് നിലനില്‍ക്കുന്നത്. ടി.പി.ആര്‍ 44 ശതമാനത്തില്‍ നിന്നും 48 ആയി. മാര്‍ഗനിര്‍ദേശങ്ങള്‍ ലംഘിക്കുന്നവര്‍ക്കെതിരെ കര്‍ശന നടപടിയെടുക്കുമെന്നും മന്ത്രി പറഞ്ഞു. നേരത്തെ തന്നെ നിര്‍ദേശങ്ങള്‍ നല്‍കിയെങ്കിലും ജനങ്ങള്‍ കാര്യങ്ങള്‍ ഗൗരവത്തോടെ കണ്ടില്ലെന്നും മന്ത്രി പറഞ്ഞു.