തിരുവനന്തപുരം :സിപിഎം തിരുവനന്തപുരം ജില്ല സമ്മേളനത്തോടനുബന്ധിച്ച് പാറശാലയിൽ മെഗാ തിരുവാതിര സംഘടിപ്പിച്ച സംഭവം അശ്രദ്ധ കൊണ്ട് സംഭവിച്ചതാണെന്നും ഒഴിവാക്കേണ്ടതായിരുന്നുവെന്നും മന്ത്രി വി ശിവൻകുട്ടി. മെഗാ തിരുവാതിരയുമായി ബന്ധപ്പെട്ട് നിരവധി വിമർശനങ്ങൾ ഉയർന്നുവന്ന സാഹചര്യത്തിലാണ് പ്രതികരണം.
അഞ്ഞൂറിലേറെ പേര്‍ പങ്കെടുത്ത് കൊവിഡ് പ്രോട്ടോക്കോള്‍ ലംഘിച്ചതിലും ധീരജിന്‍റെ സംസ്കാരം നടക്കുന്ന സമയത്ത് തിരുവാതിര സംഘടിപ്പിച്ചതിലും സമൂഹ മാധ്യമങ്ങളില്‍ വിമര്‍ശനമുയര്‍ന്നിരുന്നു. കൂടാതെ തിരുവാതിരയിലെ ഗാനം മുഖ്യമന്ത്രി പിണറായി വിജയനെ ബിംബവത്കരിക്കുന്നതാണെന്നും വാദങ്ങളുയര്‍ന്നു.