തിരുവനന്തപുരം:കോണ്‍ഗ്രസ് മതനിരപേക്ഷ മൂല്യങ്ങളിൽ നിന്നും അകന്നു പോകുന്നു എന്നത് വസ്തുതാപരമായ വിമര്‍ശനമാണെന്ന് സിപിഎം സംസ്ഥാനസെക്രട്ടറി എ.വിജയരാഘവന്‍. മതനിരപേക്ഷതയില്‍ വെള്ളം ചേര്‍ക്കുന്ന മൃദുഹിന്ദുത്വ നിലപാടാണ് കോണ്‍ഗ്രസ് ദേശീയ തലത്തില്‍ സ്വീകരിക്കുന്നത്. അയോധ്യ രാമക്ഷേത്ര നിര്‍മാണത്തിലടക്കം കോണ്‍ഗ്രസ് സ്വീകരിച്ച നിലപാട് എല്ലാവരും കണ്ടതാണ്. സംസ്ഥാനത്തും കോണ്‍ഗ്രസ് അധികാരത്തിനായി എന്തും ചെയ്യാമെന്ന അവസ്ഥയിലാണെന്നും വിജയരാഘവന്‍ പറഞ്ഞു. രമേശ്‌ ചെന്നിത്തലയും കോണ്‍ഗ്രസും വര്‍ഗീയതയോട് വിട്ടുവീഴ്ച ചെയ്യുന്നത് അധികാരത്തിനായാണ്. വര്‍ഗീയതയുമായി സന്ധി ചെയ്ത് അധികാരത്തിലെത്താനാണ് കോണ്‍ഗ്രസ് ശ്രമിക്കുന്നത്.
കോണ്‍ഗ്രസ് മതനിരപേക്ഷ മൂല്യങ്ങളിൽ നിന്നും അകന്നു പോകുന്നു; എ.വിജയരാഘവന്‍