തിരുവന്തപുരം:ഉദ്യോഗസ്ഥരുടെ ക്രമവിരുദ്ധ ചെയ്തികളെ സർക്കാറിന്‍റെ തലയിൽ കെട്ടിവച്ച് ദുർഗന്ധം വരുത്താനാണ് ചിലര്‍ ശ്രമിക്കുന്നതെന്ന് മുഖ്യമന്ത്രി പിണറായി വിജയന്‍. സ്വർണക്കടത്ത് കേസിൽ അറസ്റ്റിലായ ശിവശങ്കറെ കാട്ടി സർക്കാറിനെതിരെ യുദ്ധം ചെയ്യേണ്ടെന്നും മുഖ്യമന്ത്രി പറഞ്ഞു.
ശിവശങ്കറെ കാണിച്ച് സര്‍ക്കാരിനെതിരെ യുദ്ധം ചെയ്യേണ്ട: പിണറായി വിജയന്‍
സ്വർണക്കടത്ത് കേസിനെ വക്രീകരിച്ച് മുഖ്യമന്ത്രിയുടെയും സർക്കാറിന്‍റെയും തലയിൽ വയ്ക്കാൻ ശ്രമം ഇപ്പോഴും തുടരുകയാണ്. ശിവശങ്കറെ തനിക്ക് മുന്‍പരിചയമില്ല. മുഖ്യമന്ത്രിയുടെ ഓഫിസിലേക്ക് നിർദേശിക്കപ്പെട്ട പേരിൽ ഒരാൾ മാത്രണ് അദ്ദേഹം. അതിൽ സംശയിക്കാൻ ഒന്നുമില്ലായിരുന്നു. ശിവശങ്കറെ നിർദേശിച്ചത് പാർട്ടിയല്ല. ക്രമവിരുദ്ധമായി ഒന്നും ചൂണ്ടി കാണിക്കാൻ ആരോപണം ഉന്നയിച്ചവർക്ക് കഴിഞ്ഞില്ലെന്നും മുഖ്യമന്ത്രി വാര്‍ത്ത സമ്മേളനത്തില്‍ പറഞ്ഞു.