തിരുവനന്തപുരം: പരീക്ഷ മൂല്യനിർണയം ബഹിഷ്‌കരിക്കുന്ന അധ്യാപകരെ പൂട്ടാൻ അച്ചടക്ക നടപടി മുന്നറിയിപ്പുമായി ഹയർസെക്കൻഡറി പരീക്ഷ ബോർഡിൻ്റെ സർക്കുലർ. മൂല്യനിർണയ ചുമതലകളിൽ നിന്ന് വിട്ടുനിൽക്കുന്നത് കോടതി അലക്ഷ്യവും കേരള വിദ്യാഭ്യാസ ചട്ടത്തിൻ്റെയും സർക്കാർ ജീവനക്കാരുടെ പെരുമാറ്റച്ചട്ടത്തിൻ്റെയും ലംഘനവുമാണെന്ന് ചൂണ്ടിക്കാട്ടിയാണ് സർക്കുലർ. ഇവ ലംഘിച്ചാൽ അച്ചടക്ക നടപടിയെടുക്കുമെന്നാണ് മുന്നറിയിപ്പ്.
പരീക്ഷ മൂല്യനിർണയ ചുമതലകളിലുള്ള എല്ലാ അധ്യാപകർക്കും സർക്കുലർ പ്രകാരം പ്രിൻസിപ്പൽ അറിയിപ്പ് നൽകണമെന്നും മൂല്യനിർണയത്തിൽ പങ്കെടുക്കുന്നുവെന്ന് ഉറപ്പാക്കണമെന്നും സർക്കുലർ നിർദ്ദേശിക്കുന്നു. പ്ലസ് ടു കെമിസ്ട്രി പരീക്ഷയുടെ ഉത്തരസൂചികയെ ചൊല്ലി അധ്യാപകർ മൂല്യനിർണയത്തിൽ നിന്ന് വിട്ടുനിന്ന പശ്ചാത്തലത്തിലാണ് നടപടി.