തിരുവനന്തപുരം: കേന്ദ്ര സർക്കാരിന്‍റെ സഹകരണ മന്ത്രാലയ നിർമാണത്തിനെതിരെ രമേശ് ചെന്നിത്തല. സുപ്രധാന വകുപ്പുകളുടെ നിയന്ത്രണം ഏറ്റെടുക്കുന്ന കേന്ദ്ര സർക്കാരിന്‍റെ തീരുമാനങ്ങൾക്കെതിരെ സെക്യുലർ പാർട്ടികൾ ഒന്നിച്ചു ചേർന്ന് പ്രവർത്തിക്കണമെന്നും സംഘ പരിവാർ, ബിജെപി നീക്കങ്ങളെ ചെറുത്തു തോൽപ്പിക്കണമെന്നും രമേശ് ചെന്നിത്തല പറഞ്ഞു.
കേന്ദ്ര സർക്കാരിന്‍റെ ഈ തീരുമാനം ഭരണഘടന വിരുദ്ധമാണെന്നും സംസ്ഥാന സർക്കാരുകളുടെ കോഓപ്പറേറ്റീവ് സൊസൈറ്റികൾക്ക് നേരെയുള്ള കടന്നുകയറ്റമാണെന്നും ചെന്നിത്തല ആരോപിച്ചു. കേരളം, മഹാരാഷ്‌ട്ര, കർണാടക തുടങ്ങിയ സംസ്ഥാനങ്ങളിൽ ശക്തമായി പ്രവർത്തിക്കുന്നവയാണ് കോർപ്പറേറ്റീവ് സൊസൈറ്റികൾ. വിഷയത്തിൽ ഇടപെടൽ നടത്താനായി പ്രതിപക്ഷ പാർട്ടികൾ രാഷ്‌ട്രപതിയുടെ ശ്രദ്ധയിൽ കൊണ്ടുവരണമെന്നും അദ്ദേഹം വ്യക്തമാക്കി.