തിരുവനന്തപുരം: സെക്രട്ടേറിയറ്റിൽ സുരക്ഷ വർധിപ്പിക്കാൻ മന്ത്രി സഭ തീരുമാനം. തീപിടിത്തവുമായി ബന്ധപ്പെട്ട അന്വേഷണ റിപ്പോർട്ട് കിട്ടിയ ശേഷം തുടർ നടപടികൾ സ്വീകരിക്കും. അന്വേഷണം വേഗത്തിൽ പൂർത്തിയാക്കാനും മന്ത്രി സഭ യോഗം നിർദേശം നൽകി. കഴിഞ്ഞ ദിവസം ഉണ്ടായ സംഭവങ്ങളിലെ ഇടപെടലിന് മുഖ്യമന്ത്രി ചീഫ് സെക്രട്ടറി വിശ്വാസ് മേത്തയെ അഭിനന്ദിച്ചു. മികച്ച ഇടപെടൽ നടത്തിയെന്ന് മന്ത്രി സഭ യോഗം വിലയിരുത്തി. തീപിടിത്തത്തിന് ശേഷം ആളുകൾ അകത്തു കയറിയതിൽ സുരക്ഷ വീഴ്ച ഉണ്ടായതായും മന്ത്രിസഭ യോഗം വിലയിരുത്തി.