കൊവിഡ് പ്രതിരോധം ശക്തമാക്കാൻ സർക്കാർ; സമൂഹ അടുക്കളകൾ പുനരാരംഭിക്കാൻ ആലോചന

തദ്ദേശഭരണ സ്ഥാപനങ്ങളുടെ അധ്യക്ഷൻമാരുടെ യോഗം വിളിക്കാൻ മന്ത്രിസഭായോഗം തീരുമാനിച്ചു.

തിരുവനന്തപുരം: കൊവിഡ് പ്രതിരോധം ശക്തമാക്കുന്നതിനായി തദ്ദേശഭരണ സ്ഥാപനങ്ങളുടെ പ്രവർത്തനം ഊർജിതപ്പെടുത്താൻ സർക്കാർ. തദ്ദേശഭരണ സ്ഥാപനങ്ങളുടെ അധ്യക്ഷൻമാരുടെ യോഗം വിളിക്കാൻ മന്ത്രിസഭായോഗം തീരുമാനിച്ചു.

സമൂഹ അടുക്കളകൾ വീണ്ടും തുടങ്ങും. സി.എഫ്.എൽ.ടി.സികളുടെ പ്രവർത്തനം മെച്ചപ്പെടുത്താനും മന്ത്രിസഭാ യോഗം തീരുമാനിച്ചു. അതേസമയം ലോകായുക്ത നിയമഭേദഗതി ഓർഡിനൻസ് സംബന്ധിച്ച് മന്ത്രിസഭാ യോഗം ചർച്ച ചെയ്തില്ല.