പൗരത്വ നിയമ ഭേദഗതി; ഗവർണർക്കെതിരെ സിപിഎം ജനറൽ സെക്രട്ടറി

സിപിഎം ജനറൽ സെക്രട്ടറി സീതാറാം യെച്ചൂരി

തിരുവനന്തപുരം:പൗരത്വ നിയമ ഭേദഗതിയിൽ കേരള ഗവർണർക്കെതിരെ സിപിഎം ജനറൽ സെക്രട്ടറി സീതാറാം യെച്ചൂരി. സംസ്ഥാന സർക്കാർ സുപ്രീം കോടതിയിൽ പോകും മുമ്പ് ഗവർണറുടെ അനുമതി തേടണം എന്ന് ഭരണഘടനയിൽ എവിടെയാണ് പറയുന്നതെന്ന് യെച്ചൂരി ചോദിച്ചു.

ഇക്കാര്യത്തിൽ കേരള ഗവർണർക്ക് മുഖ്യമന്ത്രിയോട് വിശദീകരണം തേടാനാവില്ല. സർക്കാരിനെതിരെ ഈ രീതിയില്‍ മാധ്യമങ്ങളിലുടെ പ്രതികരിക്കുന്ന കേരള ഗവർണർ ഉണ്ടാവില്ലെന്നും യെച്ചൂരി പറഞ്ഞു. തിരുവനന്തപുരത്ത് നടക്കുന്ന സിപിഎം കേന്ദ്ര കമ്മറ്റിയിലാണ് കേരള ഗവർണർക്കെതിരെ വിമർശനമുയർന്നത്.