തിരുവനന്തപുരം : ബ്രൂവറി അഴിമതിയുമായി ബന്ധപ്പെട്ട് ലൈസൻസ് നൽകിയ സർക്കാർ ഫയലുകൾ ഹാജരാക്കുന്നതില്‍ തർക്കം ഉണ്ടെങ്കിൽ തർക്കഹർജി സമർപ്പിക്കാന്‍ വിജിലൻസിന് കോടതിയുടെ കർശന നിർദേശം. ഈ ഹർജിയിൽ ഉത്തരവ് നൽകിയാൽ മാത്രമേ കോടതിക്ക് കേസ് നടപടികളുമായി മുന്നോട്ട് പോകാൻ സാധിക്കുകയുള്ളൂ. ഇക്കാരണത്താലാണ് വിജിലൻസ് നടപടി വേഗത്തിലാക്കാൻ കോടതി നിർദേശം നൽകിയത്.
ബ്രൂവറിക്ക് ലൈൻസൻസ് നൽകിയ സമയത്തുള്ള സർക്കാർ ഫയലുകൾ കോടതിയിൽ ഹാജരാക്കാന്‍ നികുതി വകുപ്പ് പ്രിൻസിപ്പൽ സെക്രട്ടറിക്ക് നിർദേശം നൽകണമെന്ന് ആവശ്യപ്പെട്ട് രമേശ്‌ ചെന്നിത്തല കോടതിയിൽ അപേക്ഷ സമർപ്പിച്ചിരുന്നു. ഈ അപേക്ഷ പരിഗണിച്ചാണ് കോടതി നടപടി.