ബി പി എൽ വിഭാ​ഗത്തിന് സൗജന്യ കുടിവെള്ളം; അപേക്ഷ നൽകാൻ ഒരുമാസം സമയം

Free drinking water for B P L category: സൗജന്യ കുടിവെള്ളം ലഭിക്കാൻ 2024 ജനുവരി 31 ന് മുൻപ് അപേക്ഷ നൽകണം.

തിരുവനന്തപുരം:ബിപിഎൽ വിഭാ​ഗത്തിന് സൗജന്യ കുടിവെള്ളം ലഭിക്കാൻ, അപേക്ഷ നൽകേണ്ട അവസാന തീയതി 2024 ജനുവരി31വരെ. പ്രതിമാസം 15000 ലിറ്ററിൽ താഴെ ഉപഭോ​ഗമുള്ള, ബിപിഎൽ വിഭാ​ഗത്തിൽപ്പെടുന്ന ഉപഭോക്താക്കൾക്ക് സൗജന്യ കുടിവെള്ളം ലഭിക്കാൻ ഈ മാസം അവസാനിക്കും മുൻപ് വാട്ടർ അതോറിറ്റി സെക്ഷൻ ഓഫിസുകളിലോ ഓൺലൈൻ വഴിയോ അപേക്ഷ നൽകാം ( Free drinking water for B P L category ).

പുതുതായി ഈ ആനുകൂല്യം ലഭിക്കേണ്ടവർ മാത്രം അപേക്ഷിച്ചാൽ മതി. നിലവിൽ ആനുകൂല്യം ലഭിക്കുന്നവർ വീണ്ടും അപേക്ഷിക്കേണ്ടതില്ല. അപേക്ഷിക്കാനുള്ള ഓൺലൈൻ ലിങ്ക് - http://bplapp.kwa.kerala.gov.in നിലവിൽ ആനുകൂല്യം ലഭിച്ചുകൊണ്ടിരിക്കുന്നവരിലും പുതുതായി അപേക്ഷിക്കുന്നവരിലും പ്രവർത്തനരഹിതമായ വാട്ടർ മീറ്റർ, കുടിവെള്ള ചാർജ് കുടിശ്ശിക എന്നിവയുള്ളവർക്ക് ജനുവരി 31-നു മുൻപ് മീറ്റർ മാറ്റി വയ്ക്കുകയും കുടിശ്ശിക അടയ്ക്കുകയും ചെയ്‌താൽ മാത്രമേ ആനുകൂല്യം അനുവദിക്കൂകയുള്ളു.