തിരുവനന്തപുരം:മുഖ്യമന്ത്രിയുടെ സമനില തെറ്റിയെന്ന് ബി.ജെ.പി സംസ്ഥാന അധ്യക്ഷൻ കെ. സുരേന്ദ്രൻ. പ്രവാസികൾക്ക് വിദേശത്ത് കൊവിഡ് പരിശോധന വേണമെന്നാവശ്യപ്പെട്ട് മുഖ്യമന്ത്രി പ്രധാനമന്ത്രിക്ക് അയച്ച കത്തിലെ ഒരു നിർദേശവും പ്രയോഗികമല്ല. വിദേശത്ത് ഒരാളെയും ലക്ഷണങ്ങൾ ഇല്ലാതെ കൊവിഡ് പരിശോധനയ്ക്ക് വിധേയമാക്കില്ല. കൊവിഡ് സ്ഥിരീകരിച്ചവരെ പ്രത്യേക വിമാനത്തിൽ കൊണ്ടുവരണമെന്ന് പറയുന്ന മുഖ്യമന്ത്രി ഏത് ലോകത്താണ് ജീവിക്കുന്നതെന്നും സുരേന്ദ്രൻ ചോദിച്ചു. കൊവിഡ് പ്രതിരോധം വെറും പി.ആർ വർക്കായി തരം താണു. അതിന്‍റെ പേരിൽ എങ്ങനെ രാഷ്ട്രീയ സാമ്പത്തിക ലാഭം ഉണ്ടാക്കാം എന്ന കഴുകൻ കണ്ണോടെയാണ് സർക്കാർ പ്രവർത്തിക്കുന്നതെന്നും സുരേന്ദ്രൻ ആരോപിച്ചു.
കൊവിഡ് പ്രതിരോധം; മുഖ്യമന്ത്രിക്കെതിരെ കെ. സുരേന്ദ്രൻ