തിരുവനന്തപുരം:ലഹരി മരുന്ന് കേസിലെ കള്ളപ്പണ ഇടപാടില്‍ ജാമ്യം ലഭിച്ച ബിനീഷ് കോടിയേരി തിരുവനന്തപുരത്ത് എത്തി. ബിനീഷിനെ സ്വീകരിക്കാന്‍ സുഹൃത്തുക്കളും പാര്‍ട്ടി പ്രവര്‍ത്തകരും ഉള്‍പ്പടെ നിരവധി പേരാണ് വിമാനത്താവളത്തില്‍ തടിച്ചുകൂടിയത്. കാലം സത്യത്തെ ചേര്‍ത്തുപിടിച്ചെന്ന് പറഞ്ഞ ബിനീഷ് കൂടുതല്‍ പ്രതികരണത്തിന് തയാറായില്ല.
ഒരു വര്‍ഷത്തിന് ശേഷം ബിനീഷ് വീട്ടിലെത്തി; ഹൃദ്യമായി സ്വീകരിച്ച് ബന്ധുക്കളും സുഹൃത്തുക്കളും
പിന്തുണച്ച എല്ലാവര്‍ക്കും നന്ദിയുണ്ടെന്നും ഒരുപാട് കാര്യങ്ങള്‍ പറയാനുണ്ടെന്നും ബിനീഷ് കോടിയേരി പറഞ്ഞു. വിമാനത്താവളത്തില്‍ നിന്ന് മരുതംകുഴിയിലെ വീട്ടിലെത്തിയ ബിനീഷിനെ അച്ഛന്‍ കോടിയേരിയും കുടുംബാംഗങ്ങളും ചേര്‍ന്ന് സ്വീകരിച്ചു. ഒരു വര്‍ഷത്തിന് ശേഷം മകനെ കണ്ടതില്‍ സന്തോഷമുണ്ടെന്ന് കോടിയേരി ബാലകൃഷ്‌ണന്‍ പറഞ്ഞു.