ബാലഭാസ്ക്കറിന്‍റെ മരണം; സുഹൃത്തുക്കളുടെ മൊഴിയെടുക്കും

സംഗീതപരിപാടികൾക്കായുള്ള വിദേശയാത്രകൾ, മറ്റ് സാമ്പത്തിക ഇടപാടുകൾ എന്നിവ സംബന്ധിച്ച വിവരങ്ങൾ ശേഖരിക്കുന്നതിന്‍റെ ഭാഗമായാണ് സുഹൃത്തുക്കളുടെ മൊഴിയെടുക്കുന്നത്

തിരുവനന്തപുരം: വയലിനിസ്റ്റ് ബാലഭാസ്ക്കറിന്‍റെ മരണവുമായി ബന്ധപ്പെട്ട് സിബിഐ സംഘം സുഹൃത്തുക്കളുടെ മൊഴിയെടുക്കും. അടുത്ത സുഹൃത്തും ഗായകനുമായ ഇഷാൻ ദേവ്, ബാലഭാസ്‌ക്കറിന്‍റെ സംഗീത ബാൻഡിലെ ഒൻപത് പ്രവർത്തകർ തുടങ്ങിയവരുടെ മൊഴിയാണെടുക്കുന്നത്. മൊഴി രേഖപ്പെടുത്താൻ ഇന്ന് ഹാജരാകണമെന്ന് ആവശ്യപ്പെട്ട് സിബിഐ ഇവർക്ക് നോട്ടീസ് നൽകിയിട്ടുണ്ട്. ബാലഭാസ്‌ക്കറിന്‍റെ സംഗീതപരിപാടികൾക്കായുള്ള വിദേശയാത്രകൾ, മറ്റ് സാമ്പത്തിക ഇടപാടുകൾ എന്നിവ സംബന്ധിച്ച വിവരങ്ങൾ ശേഖരിക്കുന്നതിന്‍റെ ഭാഗമായാണ് സുഹൃത്തുക്കളുടെ മൊഴിയെടുക്കുന്നത്.