തിരുവനന്തപുരം: ഭക്തി മന്ത്രങ്ങളോടെ ഭക്തലക്ഷങ്ങൾ ആറ്റുകാൽ അമ്മയ്ക്ക് നിവേദ്യമർപ്പിച്ചു. വീട്ടുമുറ്റങ്ങള്‍ ശുദ്ധമാക്കി രാവിലെ 10:20നാണ് ചടങ്ങുകൾ ആരംഭിച്ചത്. 10.20ന് ദേവി സന്നിധിയിലെ പണ്ടാര അടുപ്പിൽ അഗ്നി പകർന്നപ്പോൾ തന്നെ വീട്ടുമുറ്റങ്ങളിലെ പൊങ്കാല അടുപ്പുകളിലും തിരിതെളിഞ്ഞു.
തുടർച്ചയായ രണ്ടാം വർഷമാണ് ഭക്തർ വീടുകളിൽ പൊങ്കാല അർപ്പിക്കുന്നത്. പൊതുഇടങ്ങളില്‍ പൊങ്കാല ഒഴിവാക്കിയെങ്കിലും ആറ്റുകാല്‍ ക്ഷേത്രമുറ്റം ഭക്തരെക്കൊണ്ട് നിറഞ്ഞിരുന്നു. സിനിമ താരങ്ങളായ ചിപ്പി, ആനി, അനുമോള്‍ തുടങ്ങിയവരും പതിവ് പോലെ പൊങ്കാല അർപ്പിച്ചു.
വീട്ട് മുറ്റത്ത് പൊങ്കാല അർപ്പിച്ച് ആയിരങ്ങള്‍