ആറ്റിങ്ങൽ നഗരസഭ ബി.ജെ.പി കൗൺസിലർ രാജിവച്ചു

19-ാം വാർഡ് കൗൺസിലർ ശ്രീദേവിയാണ് സ്ഥാനം രാജിവച്ചത്

തിരുവനന്തപുരം: ആറ്റിങ്ങൽ നഗരസഭയിലെ ബി.ജെ.പി കൗൺസിലർ രാജിവച്ചു. 19-ാം വാർഡ് കൗൺസിലർ ശ്രീദേവിയാണ് സ്ഥാനം രാജിവച്ചത്. രാജിക്കത്ത് കഴിഞ്ഞ ദിവസം നഗരസഭ സെക്രട്ടറി എസ്.വിശ്വനാഥന് കൈമാറി രസീത് കൈപ്പറ്റിയിരുന്നു. ഭാരതീയ ജനതാ പാർട്ടിയുടെ പ്രതിനിധിയായിരുന്നു. നിലവിലെ കൗൺസിലിന് 21 ദിവസം മാത്രം കാലാവധി ബാക്കി നിൽക്കേയാണ് ഇവർ കൗൺസിലർ സ്ഥാനം രാജിവച്ചത്. നടപടി ക്രമങ്ങൾ പൂർത്തിയാക്കി ബന്ധപ്പെട്ട അധികാരികൾക്ക് കൈമാറിയതായി നഗരസഭ അധികൃതർ അറിയിച്ചു.