കോട്ടയം :സംഗീത സംവിധായകന്‍ ജയ്‌സണ്‍ ജെ. നായർക്ക് നേരെ ആക്രമണം. കല്ലറ- വെച്ചൂര്‍ റോഡിലെ ആളൊഴിഞ്ഞ ഭാഗത്ത് വച്ച്‌ മൂന്നംഗ സംഘം വാള്‍ കൊണ്ട് വെട്ടി അപായപ്പെടുത്താന്‍ ശ്രമിക്കുകയായിരുന്നു.
ചൊവ്വാഴ്‌ച രാത്രി 7.45ന് ഇടയാഴത്തിനും കല്ലറയ്ക്കും ഇടയിലായിരുന്നു സംഭവം. വയലാര്‍ ശരത്ചന്ദ്രവര്‍മയുടെ വീട്ടില്‍ പാട്ട് ചിട്ടപ്പെടുത്തുന്ന ജോലി കഴിഞ്ഞ് ഏറ്റുമാനൂരിലെ വീട്ടിലേക്ക് തനിയെ കാറോടിച്ച് മടങ്ങുകയായിരുന്നു ജയ്‌സണ്‍.
ഇടയ്ക്ക് ഫോണ്‍ വന്നപ്പോള്‍ കാര്‍ റോഡരികില്‍ നിര്‍ത്തി സംസാരിച്ചു. ഈ സമയത്ത് മൂന്ന് പേർ കാറിന് പുറത്തുനിന്നുകൊണ്ട് ഗ്ലാസിൽ തട്ടി. ഗ്ലാസ് തുറന്ന് വിവരം അന്വേഷിച്ചപ്പോൾ അപകടം നടക്കുന്ന വളവാണെന്നും കാര്‍ മാറ്റിയിടണമെന്നും ആവശ്യപ്പെട്ടു.