കെ.പി.സി.സി ആസ്ഥാനത്തിന് നേരെ കല്ലേറ്, വാഹനങ്ങള്‍ തകര്‍ത്തു: അക്രമം എ.കെ ആന്‍റണി അകത്തുള്ളപ്പോള്‍

ഒരു സംഘമാളുകള്‍ ആസ്ഥാനത്തിന്‍റെ മതില്‍ക്കെട്ടിന് ഉള്ളില്‍ കയറിയാണ് ആക്രമണം നടത്തിയത്

തിരുവനന്തപുരം:കെ.പി.സി.സി ആസ്ഥാനമായ തിരുവനന്തപുരത്തെ ഇന്ദിരാഭവന് നേരെ ആക്രമണം. ഒരു സംഘമാളുകള്‍ ആസ്ഥാനത്തിന്‍റെ മതില്‍ക്കെട്ടിന് ഉള്ളില്‍ കയറി വാഹനങ്ങള്‍ അടിച്ചുതകര്‍ത്തു. ഓഫിസിന് നേരെ കല്ലേറുണ്ടായ സമയം മുതിര്‍ന്ന നേതാവ് എ.കെ ആന്‍റണി കെട്ടിടത്തിനുള്ളില്‍ ഉണ്ടായിരുന്നു.

ഓഫിസിന് മുന്‍പില്‍ സ്ഥാപിച്ചിരുന്ന ഫ്‌ളക്‌സ് ബോര്‍ഡ് തകര്‍ക്കുകയും തുടര്‍ന്ന് പട്ടിക ഉപയോഗിച്ച് പാര്‍ക്ക് ചെയ്‌തിരുന്ന കാറുകളുടെ ചില്ലുകള്‍ തകര്‍ക്കുകയായിരുന്നു. ഓഫിസിന്‍റെ ചില്ലുകളും അക്രമികള്‍ തകര്‍ത്തു. ആക്രമണത്തിന് പിന്നില്‍ സി.പി.എമ്മാണെന്ന് കോണ്‍ഗ്രസ് ആരോപിച്ചു.