കേരളബാങ്കിലെ നിയമനങ്ങൾ പി.എസ്.സിക്ക് വിടും : വി.എൻ വാസവൻ

സഹകരണ മേഖലയിൽ പരമാവധി തൊഴിലവസരങ്ങൾ സൃഷ്ടിക്കുകയാണ് സർക്കാർ ലക്ഷ്യമെന്ന് മന്ത്രി വി.എൻ വാസവൻ

തിരുവനന്തപുരം : കേരള ബാങ്കിലെ നിയമനങ്ങൾ ഒരു മാസത്തിനുള്ളിൽ പി.എസ്.സിക്ക് വിടുമെന്ന് സഹകരണ വകുപ്പ് മന്ത്രി വി.എൻ.വാസവൻ. നിയമനങ്ങൾ പി.എസ്.സിക്ക് വിടുന്നതിനുള്ള നടപടിക്രമങ്ങൾ മാത്രമാണ് ഇനി പൂർത്തിയാക്കാനുള്ളതെന്നും മന്ത്രി നിയമസഭയെ അറിയിച്ചു.

ഇതിനുള്ള നിയമ വശങ്ങൾ പരിശോധിച്ചുവരികയാണ്. പ്രമോഷൻ അടക്കമുള നടപടികളും പൂർത്തിയാക്കാനുണ്ട്. സഹകരണ മേഖലയിൽ പരമാവധി തൊഴിലവസരങ്ങൾ സൃഷ്ടിക്കുകയാണ് സർക്കാർ ലക്ഷ്യമെന്നും മന്ത്രി ചോദ്യോത്തരവേളയിൽ വ്യക്തമാക്കി.