തിരുവനന്തപുരം: അഞ്ചൽ രാമഭദ്രൻ കൊലക്കേസിൻ്റെ വിചാരണയുടെ പ്രാഥമിക നടപടികൾ അടുത്ത മാസം 11ന് ആരംഭിക്കും. അന്ന് കോടതി കേസിലെ കുറ്റപത്രം വായിക്കും. തുടർന്നാണ് പ്രതികൾക്കെതിരെയുള്ള വിചാരണ നടപടികളുടെ തീയതി നിശ്ചയിക്കുക. സിപിഎം കൊല്ലം അഞ്ചൽ ലോക്കൽ കമ്മിറ്റി അംഗങ്ങൾ അടക്കം കേസിൽ മൊത്തം 19 പ്രതികളാണ്. തിരുവനന്തപുരം സിബിഐ പ്രത്യേക കോടതിയാണ് വിചാരണ പരിഗണിക്കുന്നത്.
അഞ്ചൽ സ്വദേശികളായ ഗിരീഷ്‌ കുമാർ, പത്മൻ, അഫ്‌സൽ, നജുമൽ, ഷിബു, വിമൽ, സുധീഷ്, ഷാൻ, രതീഷ്, ബിജു, രഞ്ജിത്ത്, സാലി എന്ന കൊച്ചുണ്ണി, റിയാസ് എന്ന മുനീർ, ഡിവൈഎഫ്ഐ നേതാവും പുനലൂർ സ്വദേശിയുമായ റിയാസ്, കുണ്ടറ സ്വദേശി മാർക്സൺ, പി.എസ്.സുമൻ, ബാബു പണിക്കർ, ജയ്‌മോഹൻ, റോയികുട്ടി എന്നിവരാണ് കേസിലെ പ്രതികൾ.