തിരുവനന്തപുരം: വ്യവസായ സംരംഭകർക്ക് അതിവേഗത്തിൽ ലൈസൻസും അനുമതിയും ലഭ്യമാക്കുന്നതിനുള്ള ഏകജാലക സംവിധാനമായ കെ സ്വിഫ്റ്റിന്‍റെ പരിഷ്കരിച്ച പതിപ്പ് പ്രവർത്തനം ആരംഭിച്ചു. വ്യവസായ വകുപ്പ് മന്ത്രി ഇ പി ജയരാജനാണ് പരിഷ്കരിച്ച പതിപ്പ് പുറത്തിറക്കിയത്. പത്തു കോടി വരെയുള്ള വ്യവസായം തുടങ്ങാൻ മുൻകൂർ അനുമതി വേണ്ടെന്ന പുതിയ വ്യവസ്ഥകൾ ഉൾപ്പെടുത്തിയാണ്‌ ഓൺലൈൻ ഏകജാലക സംവിധാനമായ കെ സ്വിഫ്റ്റ് പരിഷ്കരിച്ചിരിക്കുന്നത്. പത്ത് കോടി വരെ മുതൽ മുടക്കുള്ള സംരംഭം തുടങ്ങാൻ മൂന്ന് വർഷത്തേയ്ക്ക് അനുമതികൾ വേണ്ടയെന്നതാണ് പുതിയ നിയമത്തിലെ വ്യവസ്ഥ.
ഏകജാലക സംവിധാനമായ കെ സ്വിഫ്റ്റിന്‍റെ പരിഷ്കരിച്ച പതിപ്പ് പ്രവർത്തനം ആരംഭിച്ചു