തിരുവനന്തപുരത്ത് യുവതിക്ക് നേരെ ആസിഡ് ആക്രമണം

മംഗലപുരം സ്വദേശി ശശികലയ്ക്കു നേരെയാണ് ആസിഡ് ആക്രമണം നടന്നത്.ഉറങ്ങിക്കിടന്നിരുന്ന ശശികലയുടെ മുഖത്തും ശരീരത്തും ആസിഡ് ഒഴിക്കുകയായിരുന്നു.

തിരുവനന്തപുരം: ടെക്‌നോ സിറ്റിക്ക് സമീപം യുവതിക്ക് നേരെ ആസിഡ് ആക്രമണം. മംഗലപുരം സ്വദേശി ശശികലയ്ക്കു നേരെയാണ് ആസിഡ് ആക്രമണം നടന്നത്. വെളുപ്പിന് മൂന്നു മണിക്ക് വീടിന്‍റെ ജനൽ ചില്ലുകൾ തകർത്ത് ഉറങ്ങിക്കിടന്നിരുന്ന ശശികലയുടെ മുഖത്തും ശരീരത്തും ആസിഡ് ഒഴിക്കുകയായിരുന്നു .

ഗുരുതരമായി പരിക്കേറ്റ ശശികലയെ തിരുവനന്തപുരം മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ശശികലയുടെ അമ്മ സരസമ്മ, 15 വയസുള്ള മകൻ കിരൺ കുമാർ എന്നിവർ മാത്രമാണ് വീട്ടിലുണ്ടായിരുന്നത്. പ്രതിയെക്കുറിച്ച് സൂചന ലഭിച്ചതായി മംഗലപുരം പൊലീസ് അറിയിച്ചു.