കാസർകോട് കൊലപാതകത്തിന് പിന്നിൽ മുസ്ലിം ലീഗെന്ന് എ. വിജയരാഘവൻ

കാസർകോട് ഡി.വൈ.എഫ്.ഐ പ്രവർത്തകൻ്റെ കൊലപാതകത്തിൽ കടുത്ത പ്രതിഷേധം രേഖപ്പെടുത്തുന്നുവെന്ന് സി.പി.എം സംസ്ഥാന സെക്രട്ടറി എ. വിജയരാഘവൻ. തെരഞ്ഞെടുപ്പിലെ തിരിച്ചടിക്ക് മറുപടി ഇല്ലാത്തതിനാലാണ് അക്രമമെന്നും പ്രതികരണം.

തിരുവനന്തപുരം:കാസർകോട് ഡി.വൈ.എഫ്.ഐ പ്രവർത്തകൻ്റെ കൊലപാതകത്തിന് പിന്നിൽ മുസ്ലിം ലീഗ് എന്ന് സി.പി.എം സംസ്ഥാന സെക്രട്ടറി എ. വിജയരാഘവൻ. തെരഞ്ഞെടുപ്പിലെ തിരിച്ചടിക്ക് മറുപടി ഇല്ലാത്തതിനാലാണ് അക്രമം നടത്തുന്നത്. സംഭവത്തിൽ സി.പി.എം കടുത്ത പ്രതിഷേധം രേഖപ്പെടുത്തുന്നുവെന്നും സി.പി.എം സംസ്ഥാന സെക്രട്ടറി പറഞ്ഞു .

കോൺഗ്രസുകാരാണ് ആക്രമണം തുടങ്ങിവച്ചത്. ലീഗ് അതിനെ പ്രോത്സാഹിപ്പിക്കരുത്. പ്രതിപക്ഷം അക്രമികൾക്ക് പ്രോത്സാഹനവും സംരക്ഷണവും നൽകുകയാണ്. പി.കെ കുഞ്ഞാലിക്കുട്ടി സംസ്ഥാന രാഷ്‌ട്രീയത്തിലേക്ക് തിരിച്ചുവരുന്നത് ലീഗിൻ്റെ ആഭ്യന്തരകാര്യമാണെന്നും എ. വിജയരാഘവൻ പറഞ്ഞു.