തിരുവനന്തപുരം: മത്സ്യത്തൊഴിലാളികളുടെ ക്ഷേമത്തിനായി 4490 കോടി രൂപ മുഖ്യമന്ത്രിയുടെ ദുരിതാശ്വാസ നിധിയിൽ നിന്ന് ചെലവഴിച്ചതായി ഫിഷറീസ് മന്ത്രി ജെ മേഴ്സിക്കുട്ടിയമ്മ നിയമസഭയില്‍. ഓഖി ദുരന്തത്തിൽപ്പെട്ടവരുടെ പുനരധിവാസം സംബന്ധിച്ച് നിയമസഭാംഗങ്ങളായ യു. പ്രതിഭ, എസ് ശർമ, വി ജോയി, കെ.വി അബ്‌ദുല്‍ ഖാദർ, എം വിൻസന്‍റ് തുടങ്ങിയവർ ഉന്നയിച്ച ചോദ്യങ്ങൾക്ക് മറുപടി നൽകുകയായിരുന്നു മന്ത്രി. ഓഖിയിൽ വീട് നഷ്‌ടപ്പെട്ടവർക്ക് വീട് വെച്ചു നൽകുകയും മത്സ്യബന്ധന യാനങ്ങൾക്ക് ഇൻഷുറൻസ് ലഭ്യമാക്കുകയും ചെയ്യുമെന്ന് മന്ത്രി കൂട്ടിച്ചേര്‍ത്തു. ഓഖി പാക്കേജിന് സർക്കാർ 6000 കോടി രൂപ അനുവദിച്ചിട്ടുണ്ടെന്നും മന്ത്രി മേഴ്സിക്കുട്ടിയമ്മ സഭയെ അറിയിച്ചു.
മൽസ്യതൊഴിലാളികളുടെ ക്ഷേമത്തിനായി 4490 കോടി രൂപ ദുരിതാശ്വാസ നിധിയിൽ നിന്ന് ചെലവഴിച്ചെന്ന് ജെ മേഴ്സിക്കുട്ടിയമ്മ