പത്തനംതിട്ട: ആറന്മുള ഉത്രട്ടാതി ജലമേളയില്‍ ആറന്മുള ശൈലി വിട്ട് തുഴച്ചിൽ നടത്തിയ ഈ വര്‍ഷത്തെ ഒന്നാം സ്ഥാനക്കാരായ മല്ലപ്പുഴശ്ശേരിയടക്കം മൂന്നു പള്ളിയോടങ്ങള്‍ക്ക് രണ്ട് വര്‍ഷത്തേക്ക് വിലക്കേര്‍പ്പെടുത്തി പള്ളിയോട സേവാസംഘം. മത്സരത്തിലെ വിജയികളുടെ ട്രോഫികള്‍ തിരിച്ചെടുക്കാനും തീരുമാനിച്ചു. ഒന്നാം സ്ഥാനം നേടിയ മല്ലപ്പുഴശ്ശേരിയുടെയും രണ്ടാം സ്ഥാനത്തെത്തിയ കുറിയന്നൂരിന്‍റെയും, എ ബാച്ച്‌ ലൂസേഴ്‌സ് ഫൈനല്‍ മത്സരത്തില്‍ ഒന്നാം സ്ഥാനം നേടിയ പുന്നംതോട്ടത്തിന്‍റെയും ട്രോഫികൾ തിരിച്ചു വാങ്ങാനാണ് തീരുമാനം.
ആറന്മുള ശൈലി വിട്ട് തുഴഞ്ഞു; ഇക്കൊല്ലത്തെ വിജയികള്‍ക്ക് രണ്ടു വര്‍ഷത്തേക്ക് വിലക്ക്
പുറത്തു നിന്ന് കൂലിക്ക് ആളെ ഇറക്കി തുഴയിച്ചതിനാണ് ആറന്മുള ഉത്രട്ടാതി ജലമേളയില്‍ ഒന്നാം സ്ഥാനം നേടിയ മല്ലപ്പുഴശ്ശേരിയെയും രണ്ടാം സ്ഥാനത്തെത്തിയ കുറിയന്നൂരിനെയും, എ ബാച്ച്‌ ലൂസേഴ്‌സ് ഫൈനല്‍ മത്സരത്തില്‍ ഒന്നാം സ്ഥാനം നേടിയ പുന്നംതോട്ടത്തിനെയും വിലക്കിയത്. ഈ വള്ളങ്ങളുടെ ട്രോഫിയും തിരിച്ചെടുക്കും
ആറന്മുള ശൈലി വിട്ട് തുഴഞ്ഞു; ഇക്കൊല്ലത്തെ വിജയികള്‍ക്ക് രണ്ടു വര്‍ഷത്തേക്ക് വിലക്ക്
മല്ലപ്പുഴശ്ശേരി, കുറിയന്നൂര്‍, പുന്നന്തോട്ടം പള്ളിയോടങ്ങള്‍ക്ക് രണ്ട് വര്‍ഷത്തേക്കാണ് വിലക്ക് ഏര്‍പ്പെടുത്തിയത്. ഒന്നാം സ്ഥാനം നേടിയ മല്ലപ്പുഴശ്ശേരിക്ക് മന്നം ട്രോഫിയും രണ്ടാം സ്ഥാനം നേടിയ കുറിയന്നൂരിന് ദേവസ്വം ബോര്‍ഡ് ട്രോഫിയും എ ബാച്ച്‌ ലൂസേഴ്‌സ് ഫൈനല്‍ മത്സരത്തില്‍ ഒന്നാം സ്ഥാനം നേടിയ പുന്നംതോട്ടം പള്ളിയോടത്തിന് കീക്കൊഴൂര്‍ വിനോദ് കുമാര്‍ ട്രോഫിയും ലഭിച്ചിരുന്നു. ഈ വള്ളങ്ങള്‍ പുറത്തു നിന്ന് കൂലിക്ക് ആളെ ഇറക്കി തുഴയിച്ചതിനാലാണ് നടപടി എടുത്തത്.
കഴിഞ്ഞ ദിവസം ചേര്‍ന്ന എക്‌സിക്യൂട്ടീവ് യോഗത്തിന്‍റെ തീരുമാനം പൊതുയോഗം അംഗീകരിച്ചു. അടുത്ത രണ്ടു വര്‍ഷം വിലക്ക് ഏര്‍പ്പെടുത്തിയ പള്ളിയോടങ്ങള്‍ വള്ളസദ്യ ബുക്കിങ് എടുക്കരുതെന്നുമാണ് നിര്‍ദേശം.