പത്തനംതിട്ട: ശബരിമല മണ്ഡല-മകരവിളക്ക് തീര്‍ത്ഥാടനത്തോട് അനുബന്ധിച്ച് വിശുദ്ധിസേനയുടെ ഈ വര്‍ഷത്തെ ശുചീകരണ പ്രവര്‍ത്തനങ്ങള്‍ ജില്ല കലക്‌ടര്‍ ഡോ. ദിവ്യ എസ് അയ്യര്‍ ഉദ്ഘാടനം ചെയ്‌തു. പമ്പ ഗണപതിക്കോവിലിനോട് ചേര്‍ന്നുള്ള ആഞ്ജനേയ ഓഡിറ്റോറിയത്തിലാണ് ഉദ്ഘാടനം നടന്നത്. സുഗമവും സുതാര്യവുമായ തീര്‍ത്ഥാടനം ഉറപ്പു വരുത്തുന്നതിന് ഒരുമിച്ചുനിന്ന് പ്രവര്‍ത്തിക്കാമെന്ന് ജില്ല കലക്‌ടര്‍ പറഞ്ഞു.
ജില്ല കലക്‌ടര്‍ ദിവ്യ എസ് അയ്യര്‍ വിശുദ്ധി സേനയുടെ ശുചീകരണ പ്രവര്‍ത്തനങ്ങള്‍ ഉദ്ഘാടനം ചെയ്‌ത് സംസാരിക്കുന്നു
തമിഴ്‌നാട്ടില്‍ നിന്നെത്തിയ 213 വിശുദ്ധി സേനാംഗങ്ങളെയാണ് ഇത്തവണ ജില്ലയില്‍ വിന്യസിച്ചിരിക്കുന്നത്. 100 വിശുദ്ധിസേനാംഗങ്ങള്‍ സന്നിധാനത്തും പമ്പയിലും നിലയ്ക്കലിലുമായി 50 പേര്‍ വീതവും കുളനടയിലും പന്തളത്തുമായി 13 പേരേയുമാണ് നിയോഗിച്ചിരിക്കുന്നത്.